A Deputación de Pontevedra entrega os primeiros premios do certame estudantil 'E ti, que pensas da igualdade'
Terá lugar no auditorio do Centro Príncipe Felipe acolleu este mércores.
Por Europa Press / Redacción | SANTIAGO DE COMPOSTELA | 15/05/2024 | Actualizada ás 15:57
O auditorio do Centro Príncipe Felipe acolleu este mércores a entrega dos 21 primeiros premios do certame estudantil 'E ti, que pensas da igualdade', promovidos pola Deputación de Pontevedra. O presidente da administración provincial pontevedresa, Luís López, entregou estes galardóns repartidos en distintas categorías ante un público composto por uns 400 estudantes de Educación primaria, Especial, Secundaria, Bacharelato e Formación Profesional, procedentes centros de toda a provincia.
"A igualdade é o futuro da provincia", proclamou o presidente da Deputación, convencido do "acerto" que supuxo este concurso que consistiu na elaboración por parte dos estudantes de traballos individuais ou grupales que reflectisen o que entenden eles por igualdade. Deste xeito, os de Primaria elaboraron debuxos, collages e contos; mentres que os de ESO e FP fixeron cómics, videopoesías, cancións e podcasts.
Luís López resumiu que estes traballos "van nunha mesma liña, compartindo una mesma causa e unha mesma reivindicación" que é que "a nosa sociedade camiña cara á Igualdade plena e real entre homes e mulleres, na nosa provincia rexeitamos calquera tipo de discriminacións entre homes e mulleres e a nosa cidadanía está comprometida para pechar esas brechas de xénero que son cada vez máis estreitas, pero tristemente aínda existen".
O presidente da Deputación asegurou ao estudiantado presente no auditorio que sen eles non se vai a poder "construír esa sociedade do futuro", que será "igualitaria, xusta e inclusiva". Por último, na súa intervención, o mandatario provincial insistiu en que "conseguir unha sociedade igualitaria é cousa de todos".
