A Policía terá que pagarlle a un axente pola roupa que utiliza cando traballa de paisano
Así o ditaminou unha sentenza do TSXG.
Por Europa Press / Redacción | SANTIAGO DE COMPOSTELA | 17/05/2024 | Actualizada ás 19:31
O Tribunal Superior de Xustiza de Galicia (TSXG) concedeu a un policía nacional de Galicia a indemnización por vestiario, con efectos rectroactivos desde o 17 de outubro de 2019 ata a actualidade, mentres siga prestando servizo habitual con roupa de paisano.
Trátase dun fallo emitido o pasado 7 de maio e logrado polo sindicato Jupol, a través dos servizos xurídicos de Eduardo Fernández, de CASFER Avogados. A sentenza, que condena á Administración Xeral do Estado a pagar 1.500 euros en concepto de costas, aínda non determina a cantidade económica correspondente, pero xa se solicitou ao TSXG que solicite os datos necesarios para poder fixala.
En calquera caso, Jupol solicita á Dirección Xeral da Policía que, polo menos, se indemnice cos 146 euros por ano, cantidade estipulada para os policías que actúan como escoltas. Para o sindicato, esta sentenza demostra "o deixamento" da Dirección Xeral en relación aos dereitos dos axentes porque llos vén "denegando de maneira reiterada" e é "a xustiza a que ten que obrigar" a cumprir coas súas obrigacións.
