Por Galicia Confidencial | Pontevedra | 10/11/2015 | Actualizada ás 17:04
Carreiras ou exhibicións ilegais nos polígonos do Campiño e A Reigosa, no límite entre Pontevedra e Ponte Caldelas. Esa é a sospeita que ten a Garda Civil que esta fin de semena multou a dous conductores que poderían estar participando nunha destas carreiras ilegais.
Tamén multou a outros tres condutores por dar positivo en drogas e un par máis por infraccións da normativa de vehículos. Todos eles nesa mesma zona.
O instituto armado sospeita de que na zona están a organizarse este tipo de carreiras a través de mensaxería de teléfono móbil, polo que prevé establecer alí dispositivos de seguridade.
Durante a fin de semana tamén foi interceptado outro condutor, F.M.C., que conducía igualmente de forma irresponsable na área do lago Castiñeiras, no monte de Vilaboa, e que tras escapar dos axentes de Tráfico sufriu un accidente e fuxiu a pé, a pesar do cal foi identificado e imputado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.