Colisión múltiple con cinco coches implicados en Valdoviño

Dúas persoas resultaron feridas tras sufrir unha colisión na que se viron implicados un total de cinco vehículos no municipio coruñés de Valdoviño. Segundo informou o 112 Galicia, o suceso tivo lugar sobre as 19.00 horas deste luns no punto quilométrico 7 da estrada AC-566.

A esa hora, un particular púñase en contacto coa central de emerxencia para advertir dunha colisión en cadea nese punto da vía. Con esta información, os operadores do 112 solicitaron a intervención do Servizo de Urxencias Sanitarias de Galicia-061, da Garda Civil de Tráfico e da Policía Local. Tras atender aos feridos no punto, o persoal sanitario trasladounos en ambulancia ao Hospital Arquitecto Marcide de Ferrol.

Sala de operacións 112 Galicia | Fonte: XUNTA - Arquivo