Temas: JORQUERA BNG EN MAREA UPG XAVIER VENCE

Jorquera a favor dun proxecto nacionalista "diferenciado"

O portavoz parlamentario do BNG recoñece que o BNG "necesita iniciar unha nova etapa" porque está nunha "situación crítica" pero destaca que non é prioritario comezar a falar de pactos para ás autonómicas.

Por Galicia Confidencial | Compostela | 18/01/2016 | Actualizada ás 09:00

Un dos referentes do BNG, Francisco Jorquera, portavoz parlamentario da formación frontista, marcou diferencias coas declaracións realizadas polo seu portavoz nacional, Xavier Vence, quen considera necesario abrir conversas para que o Bloque poida ir nunha gran coalición electoral ás vindeiras eleccións autonómicas.

"Eu considero que para Galicia é fundamental que existan referencias políticas propias, que exista un proxecto nacionalista diferenciado", dixo Jorquera, que é militante da UPG, o partido maioritario no Bloque que se opón a pactos coas mareas.

Nunha entrevista na Radio Galega deixou claro que non é partidario de acelerar o proceso de debate sobre a fórmula coa que o Bloque debe concorrer ás próximas eleccións autonómicas. "O primeiro que se debe clarificar tamén é a posición de En Marea, despois de que nos últimos días o líder de Podemos en Galicia abrise a porta a que esta formación concorrese en solitario aos comicios galegos", dixo.

Ademais, tamén se referiu á polémica ao redor da imposibilidade de En Marea de constituírse como grupo parlamentario no Congreso. "Creo que sería bo para Galicia que no Congreso houbese unha expresión política propia pero creo que algúns fixeron unha aposta que por desgraza non vai contribuír a iso", dixo.

"Cando o BNG dicía que a única forma de que houbese un grupo parlamentario propio no Congreso era que esa candidatura tivese personalidade propia, por tanto que o centro de decisión estivese no país, que non estivese supeditada a estratexias estatais, non o diciamos por antollo, porque o regulamento do Congreso é o que establece e sempre se aplicou así. Por desgraza esa é a realidade", engadiu.

En todo caso, coincidiu con Vence en que o BNG "necesita iniciar unha nova etapa" e dixo que "esa nova etapa posiblemente necesite de novos referentes e novas caras que a representen". "O nacionalismo galego está nunha situación crítica", recoñeceu e afirmou que non ten a aspiración de presentarse na próxima Asemblea do BNG para ser portavoz nacional senón que no devandito proceso de debate aberto no seo da formación contribuirá como un militante máis.

Temas: JORQUERA BNG EN MAREA UPG XAVIER VENCE

5 Pepópterus Funk

Eu creo que se sumades a todos/as chonis podedes ganar o ceo da Unta. Gobernar para o pobo raso dos/das chonis. Cos cartos que van ceder os parlamentarios (que só se van quedar con 1000 euros) podedes mercar unha morea de coches de drift (coches para derrapar deportivamente falando) para que os chonis estean contentos. Eu comprendo que esta idea nun principio poda chocar co ideario das mareas pero é fetén para derrotar o PP. Así podíamos derrapar todos xuntos e pasalo ben. Ademais as chonis que son moi guapas, limpas e depílanse (non como as peludas das mareas) darían novas alegrías á parroquia mareante. Canto máis derrapas máis che aplauden e ademais son moi receptivas cos bons derrapadores. Así incluso poderíamos mellorar a escasa natalidade deste gran país chonístico chamado Galicia/Galiza.

4 eueu

Jajaja, mais Bnjajaja ca nunca: descubrindo a pólvora e facéndonos parvos aos demais. Desaparecede dunha vez homiños, asi polo menos non faredes mais o ridiculo

1 Silvita penetra

Ti xa es parvo. Non fai falta que ninguén te faga...

3 Eulogio

Pois eu concordo co Jorquera. Pero o que deberían de facer é non agocharse tras as siglas do BNG. A UPG debería presentarse ás eleccións como UPG. Así tod@s o teriamos máis claro.

2 Que lle paga o móbil

O que paso a contar é un dos moitos casos que separou ao BNG da sociedade galega. Teño un coñecido que traballa (é dicir, que cobra un salario) como cargo da CIG. Pois ben, este home pode meter ao día (é dicir e plena xornada laboral) entre doce ou quince enlaces ou comentarios nas redes sociais. Na CIG, os seus afiliados/as, dotáranlle de soldo e cotizan por el á Segurididade Social, para que dedique o seu tempo laboral a defendelos/as. El, estes días, pasa o tempo ante a pantalla do seu ordenador ou móbil, e leva unha semana a falar mal de Podemos, de En Marea, a felicitarse de que non poda existir grupo parlamentar, etc, etc. Resultado: por xente coma esta, o BNG/Nós perdeu tantos apoios.

1 Gaitas do Nalón

12 ou 15 enlaces métense en 5 minutos. E as tarifas do móbil son planas. É dicir se non fas iso cóbranche exactamente o mesmo. Se leras ben o que puxeche daríaste conta de que é unha pequena tontería. Un viciño de meus pais (é do PP) anda no coche do concello todo o día, e cando vai a festa coa familia tamén leva o coche do concello. Polo menos o tf do traballador da CIG pagámolo os cotizantes da CIG e o do PP pagámolo todos. E se non teñen grupo parlamentar a culpa é de quen fixo semellante chapuza de coalición ou como lle queiran chamar.

2 Fóra gaitas e máís traballo

Canta experiencia tes, Gaiteiro! Moito sabes de enlaces e de Facebook. Mais, unha cousiña: os cotizantes si pagan na CIG, faltaría. Pero a CIG leva recibido moitos miles de euros, moitos, de fondos públicos. Incluído do Estado español. Xa non digamos a FORGA, que alí os caerón euros como chuzos. É dicir, que todos os cidadáns contribuímos, queiramos ou non, ás finanzas do teu sindicato. Por iso, os liberados, que traballen cando menos no seu. Non a facer política partidaria dun só e único sesgo ideolóxico.

3 Gaitas do Nalón

Por non ter non teño nin facebook. É o meu sindicato porque cotizo. E sí é certo que tivo subvencións pero aquí hai subvencións ata para poñer quiosques. E os que máis ladran contra o público son os que máis se aproveitan del. E para ser coñecido simplemente parece que lle espías o móbil e todo. Por certo ti a que te dedicas porque un traballador coma min que leva cotizado xa 25 anos é quen debería pedir explicacións do destino dos cartos públicos porque ao mellor ata me queda sen pensión de xubilación ao mellor para que ti esteas perdendo o tempo estudando na Universidade o cobrando o paro...

4 Gomesende

Gaitas, es un pobre de espirito: "ao mellor para que ti esteas perdendo o tempo estudando na Universidade o cobrando o paro". Baixo, cutre, mísero... non tes unha conciencia de clase, senón de rata! Por certo, protestaches algunha vez polos cursos da Fundación Tripartita? Si, ho, aqueles que contan coa bendición de diñeiro público de CC.OO., UGT e CIG, xunto coa mafia empresarial, con cursos que nin se realizan ou que se xustifican daquela maneira, e que todos os meses nos retiran aos traballadores da nosa nómina (afiliados ou non, hai que pagar obrigados)? Se cadra somos moitos, sen querer, os que pagamos o teléfono do sindicalista e outros negocietes do teu sindicato!

5 eueu

Quixera pór algo de claridade neste post. Para comezar dar grazas a "Quenllepagaomobil" por aclararme algo que eu xa sospeitaba, e iso non xustifica que cos meus cartos un sindicato se dedique a iso; xa tomarei cartas no asunto. Por outro lado, a CIG era un dos poucos entes que impartían os cursos como debe de ser (e sei do que falo), dando material aos alumnos, pagandos aos profesores o estipulado, dando títulos temporais ao remate do curso, etc, etc; o que non saca que moitos encargados e traballadores deses centros foran "aniquilados" en favor dos uPPegallos e se resentiron moito na sua xestión e atención ao público.

1 Lacazans

Realmente esta xente sabe facer algo que non sexa "política profesional"?? Non poden regresar a casa e solicitar o seu ingreso de funcionario ou mestre??

1 Todo pola Pasta

Non, non poden, simplemente por non ter oficio nin beneficio fóra da política profesional e do aparato. Jorquera é un dos moitos exemplos. E cando non tes oficio ao que agarrarte, pois faste conservador, evitas a entrada de xente nova, rodeaste de mediocres e de aduladores e rexeitas a crítica, desconfías da propia sombra... O resultado é manterse un, e o país que apande!

2 Caciquesroqueiros

Vai falar de madeira o PPinocho... Cando a meirande parte de vos, dende Pepiño ata Porcuera, dende Esperpenta ata Cascorro, dende Breocan ata Becanta, por non contar os esperpénticos bilingües que arruinades o paisaxe, vivides do conto . Pero todo vai millorar neste país cos vosos, verdade? Escarallome da risa con vos. Ide a experimentar a globalización por fora, veredes que ben se lles da aos demáis o nacionalismo propio fronte á perda de identidade vosa.