Os mutualistas de Muface teñen a atención sanitaria "garantida"
Así o asegurou o delegado do Goberno en Galicia, Pedro Blanco, que apelou ao diálogo coas comunidades autónomas despois de que o Ministerio de Sanidade considerase unha opción "viable" incoporar ás persoas mutualistas de Muface á asistencia sanitaria pública.
Por Europa Press / Redacción | SANTIAGO DE COMPOSTELA | 21/11/2024 | Actualizada ás 13:53
O delegado do Goberno en Galicia, Pedro Blanco, insistiu en que a atención sanitaria aos mutualistas de Muface está "garantida". Fíxoo a preguntas dos xornalistas, nun acto na Coruña, e despois de que a Xunta demandase ao Ministerio de Sanidade que concrete os seus plans para garantir a prestación a estes mutualistas.
Tamén apelou ao diálogo coas comunidades autónomas despois de que o Ministerio de Sanidade considerase unha opción "viable" incoporar ás persoas mutualistas de Muface á asistencia sanitaria pública tras quedar deserto o concurso convocado para a cobertura sanitaria a estes funcionarios.
O delegado do Goberno incidiu en que "por activa e por pasiva" díxose que "non vai haber desatención sanitaria". "E a partir de aí imos ver se se volve a sacar ou non", sinalou, sen descartar outras vías, sobre o concurso ao que non optaron aseguradoras privadas. Ademais, incidiu en "non mandar unha mensaxe alarmista" ao asegurar que serán "atendidos" sen que haxa para este colectivo unha "desatención sanitaria".
