Morre atropelado un home de 80 anos en Sandiás
O home vestía totalmente de escuro e sen facer uso de ningunha peza reflectora.
Por Europa Press / Redacción | OURENSE | 01/05/2025 | Actualizada ás 10:50
Un home de 80 anos faleceu ao ser atropelado na estrada OU-531 (Xinzo de Limia-Cortegada) ao seu paso polo municipio ourensán de Sandiás. Segundo informa a Garda Civil de Ourense, o suceso produciuse pasadas as 23.00 horas do mércores á altura do punto quilométrico 3,9 en sentido crecente, en Couso de Limia. O home vestía totalmente de escuro e sen facer uso de ningunha peza reflectora.
Foi o propio condutor dun Suzuki Gran Vitara o que avisou ao 112 do atropelo e sinalou desde o primeiro momento que a persoa atropelada non respondía. Foron avisados tamén 061, Bombeiros de Xinzo e Protección Civil de Sandiás. Ao chegar ao lugar, os sanitarios só puideron confirmar o falecemento. O condutor do turismo rexistrou resultado negativo en probas de alcol e drogas. Instrúe dilixencias o equipo de investigación da Garda Civil de Verín.
