Vox suspende da militancia a Antonio Budiño, cabeza de lista por Pontevedra en 2019

Vox suspendeu de militancia ao que foi cabeza de lista por Pontevedra nas eleccións xerais de abril de 2019, o xeneral Antonio Budiño. Foi o propio Budiño o que se despediu entre críticas do partido, esperando que Vox "reciba dos cidadáns o que se merecen por falsarios e traidores aos seus propios principios fundacionais".

Segundo publicou en redes sociais, impuxéronlle catro anos de suspensión e inhabilitación "por ser libre e dicir a verdade". Todo iso despois de que Antonio Budiño asinase unha carta xunto a un centenar de cargos e excargos críticos de Vox para esixir ao líder da formación, Santiago Abascal, que rendese contas pola súa xestión. Nela reivindicaban unha "refundación" do partido, ao que vían convertido nun "chiringuito". Así, erixíanse como os verdadeiros "patriotas" que se "enfrontan á tiranía" de Abascal.

Antonio Budiño, candidato de VOX en Pontevedra (1i), Santiago Abascal, presidente de VOX (2i) nun mitin de Vox en Vigo (Galicia, España), o xoves 24 de outubro de 2019.. Marta Vázquez Rodríguez - Europa Press