Os incendios volven provocar cortes en estradas e líneas de tren

Os incendios que afectan a Galicia, principalmente á provincia de Ourense, están provocando problemas ás estradas e ás conexións ferroviarias coa meseta.

Así, e segundo informa a Delegación do Goberno en Galicia está suspendida a circulación de trens entre Galicia e Madrid por un incendio próximo á vía entre Vilavella e Porta Galicia. Os trens de Alta Velocidade están detidos en estacións.

Por outra banda, tamén está cortada a Autovía 52 (Benavente-Vigo), entre os km 160 e 175 en ambos sentidos. Tamén está pechada a circulación na N-525 entre os km 115 e 128.