Miño (A Coruña) acolle dende este xoves a feira gastronómica 'Rilla na rúa' con 10 'foodtrucks'

Este xoves arranca na localidade coruñesa de Miño a cita 'Rilla na rúa', a feira gastronómica itinerante que aparcará no "triángulo da praia grande" dez 'foodtrucks' e ofrecerá diversas actividades para todos os públicos ata o domingo.

Segundo informa a organización 'Rilla na Rúa' é unha feira gastronómica que xirará por distintos lugares de Galicia este verán, na que se dan cita "unha coidada selección de propostas culinarias en formato foodtruck: comida vagabunda de calidade e sobre rodas".

Ademais, mentres visitan os distintos 'foodtrucks', os asistentes poderán participar das distintas actividades programadas, entre as que se inclúe cabaré, música en directo, Djs, bailes, mercado vintage e outras actividades.

A feira 'Rilla na rúa' está organizado pola empresa Elemental Chefs e conta coa colaboración do Concello de Miño, Garaxe e Sal, Mahou e Sousas.