Paralizado o expediente contra Torres Queiruga

Ante os informes negativos, Javier Martínez (presidente da Comisión) e Demetrio Fernández (impulsor do expediente) decidiron dar marcha atrás. Sen embargo, outros órganos máis conservadores da igrexa denuncian unha "campaña de intoxicación" por parte dos sectores progresistas. Así, o director de infocatólica, Luis Fernando Pérez, fala dunha "burda montaxe" e asegura que o expediente "sigue adiante".

Nos últimos días, Queiruga recibiu numerosos apoios de amplos sectores eclesiásticos, así como de intelectuais, a Real Academia Galega, o Consello da Cultura Galega, a USC e mesmo do cabildo compostelano.