Gatocan organiza este domingo un acto en busca de donos para os cans dunha familia desafiuzada

A Asociación Protectora de Animais Gatocan organiza este domingo un acto, enmarcado nunha actividade do Concello de Sada (A Coruña), co obxectivo de atopar casa a cinco cans cuxos propietarios serán desafiuzados a próxima semana, segundo informa.

En concreto, os cinco animais estarán, dende as 17,00 horas, nunha carpa situada neste municipio "para que todos as persoas interesadas poidan coñecelos e saber máis sobre as súas calidades", explica.

Ademais, sinala que o xogador do Deportivo, Alejandro Arribas, tamén se desprazará sobre esa hora á carpa de Gatocan para colaborar co acto e asinar autógrafos.

A protectora Gatocan creouse oficialmente en abril de 2006 e abriu as portas do seu refuxio en outubro de 2008, onde dá acubillo tanto a cans coma a gatos.