Prosegue en Vilagarcía o primeiro Congreso Internacional de Mediación, Arbitraxe e Compliance

Un nutrido grupo de expertos internacionais en mediación, arbitraxe e compliance participan en Vilagarcía de Arousa no primeiro congreso que se realiza sobre estas materias en Galicia. Empezou este xoves e prosegue este venres 9 e o sábado 10 de setembro.

O obxectivo deste primeiro encontro é establecer un "punto de encontro e intercambio de experiencias" para empresarios, executivos, asociacións de profesionais e todas aquelas persoas que estean interesadas en coñecer máis profundamente as alternativas xudiciais que existen para abordar a resolución de conflitos.

Neste sentido, organizado pola Asociación Galega de Mediación (Agame) e o Ateneo Galego de Mediación, Arbitraxe e Compliance, o foro organizará conferencias, convencións e seminarios, cursos e, posteriormente, realizará publicacións e manuais para a difusión dos contidos abordados.

Un dos fundadores de Agame, Manuel Alfonso Leiro, subliñou a relevancia dos relatores que van participar neste congreso. "Nunca até agora en España logrouse reunir un elenco de relatores de tanto nivel", sostivo.