Detido en Monforte o condutor dun vehículo que carecía de seguro e ITV e que era buscado por un xulgado

Axentes da Garda Civil detiveron no muncipio de Monforte de Lemos (Lugo) o condutor dun vehículo que carecía de seguro e ITV e que, ademais, era buscado por un xulgado.

Segundo informou o Instituto Armado, ás 14,30 horas do pasado día 14 no punto quilométrico 52 da estrada LU-546 (Lugo-Monforte) á altura de Rivasaltas, termo de Monforte de Lemos, unha patrulla do Destacamento de Tráfico desta última localidade detivo a marcha dun turismo.

Tras identificar o seu condutor e pedir datos dos antecedentes á Central Operativa de Tráfico, resultóque sobre el pesaba unha orde de busca, detención e personación emitida polo Xulgado de Instrución de Sarria.

Os axentes intervinientes procederon a cumprir a orde xudicial e, a continuación, tras proceder á súa detención, puxérono a disposición do órgano reclamante.

O citado condutor tiña antecedentes por outras oito investigacións por feitos similares en relación coa seguridade vial e fora denunciado ata en 22 ocasións anteriores por diferentes infraccións á Lei de Seguridade Vial.

Así mesmo se comprobou que o vehículo que conducía carecía de seguro obrigatorio e caducada a Inspección Técnica.