A Plataforma 'Non ao TTIP' chama a mobilizarse contra os tratados, polo seu "impacto directo" na cidadanía

A Plataforma 'Non ao TTIP' de Galicia, integrada por máis de medio centenar de colectivos, entre eles partidos, sindicatos e organizacións sociais, convocou para este sábado, ás 19,00 horas, unha manifestación para expresar o seu rexeitamento aos tratados de libre comercio que, advirten, "teñen impacto directo" na vida dos cidadáns.

VIGO | 13/10/2016 | Actualizada ás 14:39 por EUROPA PRESS

Comparte esta noticia

A Plataforma 'Non ao TTIP' de Galicia, integrada por máis de medio centenar de colectivos, entre eles partidos, sindicatos e organizacións sociais, convocou para este sábado, ás 19,00 horas, unha manifestación para expresar o seu rexeitamento aos tratados de libre comercio que, advirten, "teñen impacto directo" na vida dos cidadáns.

Por iso, fixeron un chamamento á participación dos vigueses e veciños da bisbarra para que participen na marcha, que sairá do cruzamento de Vía Norte con Urzáiz, en Vigo. Así mesmo, haberá concentracións e outros actos reivindicativos organizados por diferentes colectivos nas principais cidades de Galicia.

Os voceiros da plataforma, recordaron que tanto o TTIP, como outros tratados (o CETA, que se negocia entre a UE e Canadá; ou o TISA, de libre comercio en servizos), son acordos que, malia que repercutirán de forma directa na sociedade, se están a negociar "con total escurantismo" e "sen explicacións dos gobernantes".

A ese respecto, denunciaron que os tratados responden aos intereses das grandes corporacións, e terán consecuencias non só económicas, senón tamén laborais e mesmo ambientais. Por iso, advertiron de que "non son cuestións que queden lonxe aos cidadáns", xa que terán "impacto directo" nas súas vidas.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta