Carmela Silva recibe aos preto de 350 nenos participantes no proxecto 'Depoemprende na Escola'

A presidenta da Deputación de Pontevedra, Carmela Silva, recibiu este mércores no Pazo Provincial aos preto de 350 nenos de oito colexios públicos de Pontevedra que están a participar no programa 'Depoemprende na Escola'.

Grazas a este proxecto de emprendimiento, o alumnado de cuarto, quinto e sexto de primaria de nove escolas da provincia está creando e xestionando unha cooperativa na que fabricarán produtos que van vender ao termo do curso académico nun mercado ou unha feira da súa localidade.

En concreto, os alumnos fabrican produtos artesanais elaborados con materiais reciclados para animar os consumidores a coidar da natureza.

Carmela Silva asegurou sentirse "emocionada polo compromiso" dos mestres e polo seu labor para que os alumnos aprendan "principios, valores, estratexias e capacidades".