Temas: AFOGADO

Un total de 65 persoas afogaron en Galicia nos once primeiros meses de 2016

Galicia é, xunto con Canarias, o lugar do Estado onde máis persoas morren por este motivo, un 15,9% do conxunto do Estado.

Por E.P. | Santiago de Compostela | 01/12/2016 | Actualizada ás 10:24

Comparte esta noticia

Un total de 65 persoas morreron en Galicia vítimas de afogamentos en espazos acuáticos no que vai de ano, o que supón o 15,8 por cento das 412 que morreron no conxunto do país, segundo os datos da Real Federación Española de Salvamento e Socorrismo.

Praia de Sabón en Arteixo, ao carón do polígono e do porto Exterio da Coruña
Praia de Sabón en Arteixo, ao carón do polígono e do porto Exterio da Coruña | Fonte: turismo.gal

O 81,5 por cento do total de falecementos producíronse en sete comunidades autónomas, que en todos os casos superan a trintena de mortes. Trátase de Canarias, con 68 falecidos, é a que máis mortes leva contabilizadas no que vai de ano, o 16,5 por cento; seguida de Galicia, con 65 falecidos e 15,8 por cento; Andalucía, con 63 falecidos; Comunidade Valenciana (44 e 10,7 por cento); Baleares (36 e 8,7 por cento); e Castilla e León e Cataluña (30 e 7,3 por cento, cada unha).

O balance ata novembro supón só dúas vítimas menos que en todo 2015 e un 4 por cento máis que a cifra que se deu en novembro do pasado ano.

Durante o mes de novembro producíronse 24 mortes por afogamento, catro máis que en novembro de 2015. Novembro, cos seus 24 falecementos, sitúase así no terceiro mes con menos mortes no medio acuático, por detrás de febreiro, en que houbo 21, e marzo, en que se deron 22.

Ao longo do que vai de 2016, máis da metade dos afogados foron en praias, 221 do total, o 54 por cento; 76, o 18 por cento, en ríos; 29, o 7 por cento, en piscinas; e 86, o que supón o 21 por cento, noutros espazos acuáticos.

Só no 14 por cento dos 412 casos, é dicir, en 59, había un servizo de vixilancia e salvamento.

Temas: AFOGADO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta