Por E.P. | SANTIAGO DE COMPOSTELA | 15/12/2016 | Actualizada ás 15:21
O catedrático de Medicina Legal da Universidade de Santiago de Compostela (USC) Ángel Carracedo aposta porque os investigadores se formen en protexer a propiedade intelectual dos seus descubrimentos e na explotación das patentes.
Carracedo ofrecerá este xoves a primeira das conferencia que promove o bufete de avogados Rivas & Montero e que mostrarán diferentes modelos de xestión empresarial.
Na súa charla, o catedrático de Medicina Legal abordará, precisamente, os retos da transferencia do coñecemento da universidade ao mundo empresarial, como director do grupo de Medicina Xenómica da USC.
En 2015, Anxo Carracedo recibiu o premio directivo global da confederación española de directivos e executivos. O grupo que dirixe está integrado por un equipo dunhas 150 persoas de nacionalidades moi diversas.
En relación ao emprendemento, opina que os investigadores "non están ben formados nestes ámbitos". Por iso, ao igual que se fomenta o interese pola investigación, avoga por facelo polo emprendemento. "Aínda que tamén é necesario preguntarse se todo investigador ten que ser emprendedor e creo que, non" apostila, segundo informa o bufete de avogados nun comunicado.
"No que si ten que estar ben formado un investigador é en protexer axeitadamente a propiedade intelectual dos seus descubrimentos. Ademais, fallamos aínda moito na explotación das patentes e para isto hai que ter recursos e expertos", incidiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.