O premio Laxeiro recae no arquitecto e escritor vigués Jaime Garrido

O XIV Premio Laxeiro, que concede a fundación do mesmo nome, recaeu no arquitecto e escritor vigués Jaime Garrido.

Diso deu conta a Xunta a través dun comunicado, tendo en conta que o conselleiro de Cultura, Román Rodríguez, desprazouse ata Vigo para asistir á entrega do galardón.

De feito, tras felicitar ao premiado, Rodríguez destacou que o traballo de Garrido "transcende a idea de arquitecto que crea edificios para pasar á escala de creador icónico e arquitecto humanista".

Jaime Garrido, nacido en Vigo en 1938, é responsable da realización de máis de 2.500 proxectos, tanto para a propiedade privada como para institucións públicas.

Redactou varios plans municipais e, entre outras actuacións, proxectou a delimitación de contornas de protección de máis de 60 BIC.