USO concentrarase ante o xulgado de Monforte contra a adxudicación de contratos á empresa Alcor Seguridad

A Federación de Traballadores de Seguridade do USO concentrarase este mércores 22 de marzo ás portas do xulgado de Monforte contra a adxudicación de contratos á empresa Alcor Seguridad.

Esta concentración, segundo relatou o sindicato nun comunicado, coincide coas declaracións de varias testemuñas, que se producirán ás 11,00 horas, por unha causa aberta contra o xerente de Alcor Seguridad, Carlos Somoza.

Neste caso, precisou o sindicato, é por "suposta falsidade documental" ao "alterar o libro-rexistro de medidas de seguridade da compañía".

O secretario estatal de Organización, Iván Blanco, explicou que o regulamento de seguridade privada "determina que as empresas de seguridade deberán levar obrigatoriamente libro-rexistro de contratos, de persoal de seguridade, de medidas de seguridade e de comunicacións ás Forzas e Corpos de Seguridade".