A UDC amplía a súa oferta de especialización con dous novos campus de Innovación e Sustentabilidade

A Universidade da Coruña (UDC) ampliará a súa oferta de especialización con dous novos campus de Innovación e Sustentabilidade, dúas áreas que se suman á estratexia iniciada en 2016 coa posta en marcha do Campus Industrial en Ferrol.

En rolda de prensa, o reitor da UDC, Julio Abalde, e o vicerreitor de Economía, Infraestruturas e Sustentabilidade, Domingo Calvo, presentaron os novos campus especializados da UCD, e cuxa implantación está prevista que se realice "ao longo de 2018".

"Con estes dous novos campus damos un paso máis para pór en valor os puntos fortes da universidade", asegurou o reitor, quen destaca que tamén servirán de "plataforma" para facilitar a comunicación entre a universidade e a sociedade.

O Campus Innova estará centrado na innovación dixital, tecnolóxica e humanística. Trátase dun campus de especialización baseado na Innovación e nas tecnoloxías da información e comunicación.

Mentres, o Campus da Sustentabilidade centrarase en diferentes áreas. Por unha banda, na área de urbanismo, paisaxe e territorio; por outro, na sustentabilidade social e económica; e por último, na vida saudable.

Con estes dous novos campus de especialización prevese levar a cabo acciones que integren ao conxunto das sedes da Universidade da Coruña: Elviña, Zapateira, Riazor, Oleiros e Oza.

NOVAS TITULACIÓNS

A partir destes campus, a UDC tenta fixar as liñas estratéxicas para poder ofrecer unha formación máis especializada aos futuros alumnos, ademais de mellorar a súa capacidade para captar fondos e realizar unha investigación máis punteira.

Esta aposta estratéxica da universidade pola especialización dos seus campos foi iniciada en 2016 coa posta en marcha do Campus de Industrial de Ferrol.

Tras os bos resultados, a UDC aspira a conseguir que estes novos campus estean en consonancia coa estratexia docente, con novos másteres que poderían estar implantados entre 2018 e 2019.