A Policía Nacional identifica a unha persoa en Lugo en relación con incendios na cidade

Axentes da Policía Nacional da Comisaría de Lugo identificaron a unha persoa en relación aos incendios rexistrados o fin de semana na cidade, na zona das Gándaras e na contorna do Hospital Universitario Lucus Augusti (HULA).

Precisamente, indicaron fontes policiais, procedeuse a identificar a esta persoa cando se atopaba nas inmediacións do hospital, onde tamén se rexistrou un lume durante a vaga de incendios do fin de semana.

Fontes policiais puntualizan que non foi detida esta persoa, senón que se procedeu á súa identificación. A Policía continúa a investigación ao redor da súa posible implicación nos incendios.