Temas: XUSTIZA FOLGA

Os funcionarios de xustiza convocan manifestacións para este xoves nas sete cidades galegas

Traballadores da administración xudicial de Galicia, colectivo en folga indefinida desde o mércores da semana pasada, convocaron manifestacións para este xoves no sete grandes cidades galegas.

Por E.P. | SANTIAGO DE COMPOSTELA | 14/02/2018 | Actualizada ás 17:12

Comparte esta noticia

Traballadores da administración xudicial de Galicia, colectivo en folga indefinida desde o mércores da semana pasada, convocaron manifestacións para este xoves nas sete grandes cidades galegas. O calendario de mobilizacións do que informaron os sindicatos reflicte que as manifestacións na Coruña, Lugo, Ourense, Pontevedra, Santiago, Vigo e Ferrol arrincarán ás 12,00 horas.

En Vigo, ademais, onde este mércores os funcionarios xudiciais protagonizaron o 'enterro' da xustiza, está previsto que o venres realicen unha nova 'performance': representarán unha voda e un nacemento para realizar os trámites de inscrición no xulgado.

Distintos sindicatos consultados por Europa Press incidiron en que as asembleas celebradas entre este martes e este mércores foron "masivas" e o persoal está disposto a "aguantar" e seguir adiante "co paro indefinido.

Non en balde, entenden que a proposta da Xunta é "inaceptable" e consideran a actitude dos dirixentes autonómicos "unha tomadura de pelo".

Temas: XUSTIZA FOLGA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta