Temas: NATUREZA SEPRONA

Decomisan marfil africano nunha operación contra o tráfico ilegal de especies

O Equipo do Seprona da Guardia Civil da Coruña decomisou nove pezas de marfil elaborado no marco do plan de acción contra o tráfico ilegal e o furtivismo internacional de especies silvestres.

Por E.P. | SANTIAGO DE COMPOSTELA | 26/04/2018 | Actualizada ás 10:16

Comparte esta noticia

Segundo informou o Instituto Armado, as figuras de marfil africano elaborado ofertábanse "nun coñecido portal de Internet" por valor de 10.000 euros. A investigación iniciouse cando a Guardia Civil detectou a venda destas figuras nun portal de Internet dedicado maioritariamente á comercialización non profesional.

Seprona e gardas da Xunta
Seprona e gardas da Xunta | Fonte: Axena

En concreto tratábase dun lote composto por nove pezas decorativas, fabricadas con cabeiros de elefante africano e cuxa comercialización está regulada na lexislación CITES, de aplicación en España e "por tratarse dunha especie en grave perigo de extinción", engaden as mesmas fontes.

Feitas as xestións oportunas, indican as mesmas fontes, a propietaria dos efectos non achegou documentación que acreditase a súa tenencia legal, polo que se levantou acta por suposta infracción administrativa de contrabando, por realizar, "sen cumprir cos requisitos legalmente establecidos, operacións de importación, exportación, comercio, tenencia ou circulación de especímenes, fauna, flora silvestres e os seus partes e produtos de especies recollidas no Convenio CITES".

As nove pezas de marfil intervidas foron depositadas nas dependencias rexionais de Aduanas e Impostos Especiais da Coruña, concretou a Garda Civil. A Guardia Civil lembra que a loita contra o tráfico ilegal de especies protexidas "contribúe a paliar a súa caza furtiva dirixida, principalmente, ao comercio internacional, e busca preservar a súa conservación a través de permisos oficiais".

Temas: NATUREZA SEPRONA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta