As fotos da discordia e o video probatorio

GC publica un vídeo en exclusiva sobre a presencia de Rajoy no barco Moropa. Feijóo evita pronunciarse sobre isto, refírese a Jacinto Rey como "malas compañías" e acusa ao PSOE de utilizar a "insidia, a difamación e a manipulación" para facer política.

Por Xurxo Salgado | Santiago | 07/04/2011 | Actualizada ás 16:50

Comparte esta noticia

Hai agora pouco máis de dous anos, o 24 de febreiro de 2009, e antes das eleccións autonómicas que o catapultaban á Presidencia da Xunta de Galicia, Alberto Núñez Feijóo, instaba ao entón vicepresidente, Anxo Quintana, a que dera explicacións públicas por unhas fotografías na que o ex líder nacionalista aparecía nun iate xunto co empresario Jacinto Rey.

"Este tipo de comportamientos necesitan, como mínimo, una explicación política pues el comportamiento de Bermejo con Garzón conllevó el cese del ministro. El comportamiento de Quintana con un empresario necesita alguna explicación de la misma intensidad que la de Bermejo", dixo entón Feijóo en declaracións a Onda Cero. E apuntaba, "nada tengo en contra de un empresario, pero, este empresario ha tenido una adjudicación potentísima", dicía en relación ao primeiro reparto eólico do bipartito, logo modificado pola actual Xunta.

None

Preguntado por GC sobre esta cuestión, Feijóo intentou xustificar as súas declaracións de hai dous anos asegurando que ás manifestacións do PSdeG, socios de goberno do BNG, eran peores. "Sobre a foto creo que, as persoas que non teñen xa cargos na Xunta merecen o meu respecto, e non vou a recordar o que se dixo por parte de membros do goberno sobre esa foto".

Jacinto Rey, "malas compañías"

Así, lembrou que "a primeira reacción foi á da Xunta de Galicia, a reacción dos membros do goberno sobre unha foto do seu vicepresidente. E a do PP foi bastante máis educada e responsable que a doutros membros do goberno". Por iso, insistiu en que o que fixo foi pedir explicacións polas "malas compañías", en alusión ao empresario Jacinto Rey, coas que estaba Quintana. "O único que se dixo desa foto foi que, se o goberno non se podía fotografar con malas compañías, que o lóxico era que o líder da oposición pedira explicacións sobre esa foto".

Balóns fora

Sen embargo, e ante unha foto similar, a do líder do seu partido, Mariano Rajoy, no barco dun clan de presuntos narcotraficantes de Arousa, o Maropa, o xefe do Executivo galego botou balóns fora e, en vez de pedir explicacións, o que fixo foi atacar ao PSdeG por "non pedir desculpas" ao conselleiro de Medio Ambiente e Política Territorial, Agustín Hernández, que acaba de ser exculpado polo Tribunal Superior de Xustiza de Galicia (TSXG).

O alto tribunal galego imputárao logo dunha querela  presentada polo PSdeG debido á certificación dunha obra que estaba sen acabar durante a súa época como director da área de Infraestruturas da Deputación de Pontevedra. "Cando poñen en dúbida a honorabilidade dunha persoa dese xeito o que teñen que facer é pedir desculpas publicamente", insistiu.

Por iso, e sen referirse á famosa fotografía de Rajoy, Feijóo acusou aos socialistas de practicar unha "deshonrosa oposición" desde que están na oposición en Galicia e reprochoulle ao secretario xeral do PSdeG unhas acusacións que fixo contra el hai unhas semanas. "O tipo de oposición de aí, aí non é a oposición que necesita Galicia", sinalou ao referirse ás palabras de Pachi Vázquez de que "Feijóo e o narcotráfico estaban aí, aí". O líder dos populares galegos insistiu en pedirlle ao PSdeG un "cambio de actitude" porque "ten un problema intrínseco". "Non se da conta de que coa insidia, a difamación e a manipulación non se pode facer política, nin cando se está na oposición nin no goberno".

Sospeitas

E é que os populares acusan aos socialistas de estar detrás da difusión das fotografías nas que se pode ver a Rajoy no barco dun clan de presuntos narcotraficantes e son moi críticos cos medios que decidiron publicalas; Xornal de Galicia e Público. Precisamente, estas instantáneas precipitaron a saída de José Luis Gómez da dirección de Xornal tras unha conversa entre o propio Rajoy e Jacinto Rey, dono do xornal.

Feijóo, ao igual que Rajoy, evitaron falar desta fotografía, aínda que, segundo recolle o diario Público de fontes populares, "Subirse al barco no estaba previsto ni formaba parte del acto. Era la única embarcación que había en aquel momento al principio del muelle y alguien sugirió que sería una buena idea fotografiarse allí".

Vídeo exclusivo

Sen embargo, e tal como demostra o vídeo que publica Galicia Confidencial en exclusiva, gracias, novamente, á contribución dos nosos xornais colaboradores, neste caso Cambados.tk,  Rajoy non só subiu ao barco para unha fotografía, senón para dar unha rolda de prensa.

Por iso chama a atención que o actual candidato a alcalde de Cambados polos conservadores foi oito anos  xerente da lonxa e que estivo con Rajoy no mesmo acto de campaña no que subiu ao Moropa, non lle advertira desta situación, como relata esta crónica de La Voz. Rajoy subiu ao Moropa durante un acto das eleccións europeas de 2009, acto centrado precisamente en reivindicacións do sector do mar. E é que polo menos, dende 2006, a prensa local falaba abertamente da vinculación dos donos do Moropa co tráfico de cocaína.

 

None
None
None
None
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 40 comentarios

17 Trompetas

Si no eres del PP jodeté, jodeté

1 pepiño

trompetas, no te parieron, TE CAGARON

16 Satanas

No me lo creo. Rajoy en el barco de un traficante. Pero lo mejor, es que ese barco estaba incautado y amarrado en el puerto.

15 Faldo

Laureano Oubiña tampouco sabía nada diso da drogha, Sito Miñanco tampouco sabía nada, entón por que imos sospeitar de Marianito?

14 Moncho

Que Rajoy escuche a la gente, no a los narcos. Una cosa que no entiendo es porqué si saben que los del barco son narcos no los meten en la cárcel como manda la ley. España y Galiza no van a ningún lado.

13 Luis Alberto Romero

Todos los del PP son muy pulcros. La rueda de prensa, yo que sabía..., No se puede sospechar de todos... Pero mira que facer unha viaxe en alta mar cun empresario, iso para un do bloque é anatema. Por certo, pido axuda para adiviñar de quén é esta casa. http://www.corinaalcaldesa.com/?p=3...

1 Rayleigh

Non será a casa que lle regalou un promotor "by the face"? Isto último pásalle a calqueira. Que os promotores regalen casas é o normal. Supoño que dende esa casa vixilará o seu iate de 30 m de eslora que riciños de ouro agocha en vilaboa para que os vigueses non se fagan preguntas que como di Rajoy "no interesan a la gente".

2 Perla Dourada

E qué pasa si ten esa casa? Non ten dereito? Ou é que só os do bipartito poden ter esas mansións? Leva moitos anos na política e traballando duramente, polo que pode ter aforrado para comprala.Hai moita envexa.

3 Rayleigh

jajaja..liches ben perliña? A casa que lle REGALOU un promotor. A ti tamén regálanche casas? Sabes por que tiña as contas bloqueadas? Ah non..claro. E si..en Vigo aínda estámonos preguntando onde están millón e medio de € do patrocinio de ING da Volvo Ocean Race, posto que entre os gastos e o recibido hai esa pequeniña discrepancia..

4 Perla Dourada

Iso son todo infundios. Non hai unha soa proba de todo iso. O País, que todos sabemos a quen serve, só sacaou infundios. Pero é moi fácil meterse coa honorabilidade das persoas que tanto esforzo adica a política e a servir os demáis

5 Rayleigh

Infundios? Que tiñas as contas bloqueadas todo o mundo o sabe. E sabes por que? Por que intentouse pasar de lista xunto co seu irmán José Luis Porro e estopoulle na cara. Pasaron 12 anos dende o bloqueo. E soamentes dedicouse a política. E dende entón acumula dúas casas (unha con vistas o mar e sen pinta de haber custado 4 euros), un iate (co seu respectivo atraque que non custa 2 euros), traxes, perruquería.....Xa ves. Eu recoñezo que os políticos están moi ben pagados. Pero con Riciños de ouro a min non me saen as contas..Será como Espe que tampouco chega a fin de mes. Aparte que te importa as probas a ti? Para os pepeiros iso é secundario.