Aprobado o teito de gasto da Xunta para 2019, que sobe até os 9.850 millóns
Só o PP votou a favor dunhas contas que a oposición caulifican que "limitadoras" do investimento público.
Por E.P. | SANTIAGO DE COMPOSTELA | 16/10/2018 | Actualizada ás 13:40
O Parlamento galego aprobou, cos votos do Partido Popular e o rexeitamento do conxunto a oposición, o teito de gasto da Xunta de Galicia para 2019, que sobe un 3,8% en relación ao orzamento en vigor, até 9.850 millóns de euros.
Na súa intervención para presentar o proxecto na Cámara, o conselleiro de Facenda, Valeriano Martínez, destacou que é o teito de gasto "máis san e que menos recorre á débeda de toda a década".
Pola súa banda, En Marea, PSdeG e BNG argumentaron en contra deste teito de gasto, no que ven "un limitador" para o investimento público, e acusaron ao Goberno autonómico de "falta de proxecto" e "ambición".
En fronte, o PPdeG defendeu as "previsións prudentes" do Executivo de Alberto Núñez Feijóo.
