Por E.P. | SANTIAGO DE COMPOSTELA | 15/01/2019 | Actualizada ás 13:43
O Sindicato Labrego Galego (SLG) carga contra o "decretazo" do Goberno central que obriga a autónomos a cambiar a Seguridade Social por mutuas privadas para a cobertura de baixas.
Así, denuncia a "privatización" dos dereitos laborais dos autónomos, xa que aqueles que cotizan desde antes de 1998 deberán irse a unha mutua para cubrir as baixas por incapacidade temporal.
Respecto diso, censura que este decreto foi publicado "con premeditación e aleivosía no Boletín Oficial do Estado" na fin de semana de fin de ano, "sen darlle ningún tipo de publicidade máis aló da imprescindible no BOE".
Ademais, critica o "agravante" de que en 2019, coa obrigade telematizar todas as xestións coa Seguridade Social, "a maioría dos traballadores afectados van ter serias dificultades" para os trámites, algo que se une a non saber como lles vai a afectar.
A continuación, o sindicato agrario advirte de que "a experiencia" demostra que "sempre que privatizaron servizos e coberturas dos traballadores empeorouse a calidade dos mesmos", con maiores "trabas" e "vulneración" dos seus dereitos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.