O Goberno de Sánchez aprobará a orde de execución das fragatas F-110 para Navantia a un mes das eleccións
O programa para a construción destes buques militares teñen uns orzamentos total de 4.325 millóns de euros e suporá carga de traballo para uns 8.000 operario
Por E.P. | SANTIAGO DE COMPOSTELA | 29/03/2019 | Actualizada ás 11:02
O Consello de Ministros deste venres aprobará a orde de execución das fragatas F-110, cuxa construción está prevista nos estaleiros de Navantia na ría de Ferrol, segundo avanzou o candidato socialista á Alcaldía ferrolá, Anxo Mato, nunha rolda de prensa convocada con carácter de urxencia esta mañá.
A un mes das eleccións xerais do 28 de abril, o Goberno que preside Pedro Sánchez tenta deixar pechado este contrato. No entanto, este sería o seguinte paso nun camiño que aínda se espera longo para poder iniciar o corte de chapa para as unidades destinadas á Armada Española e chamadas a substituír ás actuais fragatas da seria F-80 clase "Santa María", con base en Rota (Cádiz).
Unha vez aprobada a orde de execución, o seguinte trámite sería asinar o contrato con Navantia como empresa encargada de materializar o cinco unidades das que consta este programa. De manterse as estimacións, a primeira unidade sería entregada á Armada a finais do ano 2025, mentres que a última delas sería ao redor de 2029 ou 2030.
O programa para a construción destes buques militares teñen uns orzamentos total de 4.325 millóns de euros e suporá carga de traballo para uns 8.000 operarios, entre directos e indirectos, durante dez anos.
