Elixida Inmaculada Rodríguez Cuervo como novo membro do Consello Social da UDC

Foi proclamada no Parlamento cos votos a favor do PP.

Por E.P. | SANTIAGO DE COMPOSTELA | 11/06/2019 | Actualizada ás 10:54

Comparte esta noticia

O Parlamento de Galicia proclamou á exvicepresidenta da Cámara Inmaculada Rodríguez Cuervo como novo membro do Consello Social da Universidade da Coruña (UDC).

Inmaculada Rodríguez Cuervo
Inmaculada Rodríguez Cuervo | Fonte: Youtube

A elección de Rodríguez Cuervo, nome proposto polo Grupo Popular, tivo lugar ao comezo da sesión plenaria que desde as 10,00 horas da mañá deste martes acolle o Pazo do Hórreo. Así, na votación, celebrada en urna, a candidatura da exvicepresidenta do Parlamento recibiu 40 votos favorables.

Licenciada en Ciencias Biolóxicas pola Universidade Complutense, Rodríguez Cuervo foi cabeza de lista do PPdeG por Ourense nas eleccións autonómicas de 2001. Tras a revalidación da maioría absoluta de Manuel Fraga, foi elixida vicepresidenta da Cámara, cargo que ocupou ata o final da lexislatura en 2005.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta