Detido en Ferrol un home por tentar substraer a outro un sobre con 400 euros en efectivo
A Garda Civil de Ferrol detivo este sábado a un veciño da mesma cidade polo intento de furto a outro home dun sobre cuns 400 euros en efectivo.
Por E.P. | SANTIAGO DE COMPOSTELA | 29/06/2019 | Actualizada ás 17:05
A Garda Civil de Ferrol detivo este sábado a un veciño da mesma cidade polo intento de furto a outro home dun sobre cuns 400 euros en efectivo. Os feitos, tal e como indica a Garda Civil nun comunicado, sucederon nunha zona habilitada para o estacionamento no cuartel Sánchez Aguilera de Ferrol.
O operativo da Garda Civil atopábase nunha "zona contigua ao lugar" cando observou a un home "en actitude estraña, ocultándose entre os vehículos e o mobiliario urbano e podendo perseguir a outra persoa".
Xusto despois, o individuo en cuestión abalanzouse sobre o home ao que perseguía para tratar de subtraerlle o sobre que levaba na man e que contiña o diñeiro, recentemente retirado nunha entidade bancaria próxima. Ante a voz de socorro do agredido e tras observar a escena, o dispositivo da Garda Civil ferrolá capturou rapidamente ao autor do furto, que xa foi trasladado ao Xulgado de Garda de Ferrol.
