Por Europa Press / Redacción | OURENSE | 11/07/2019 | Actualizada ás 14:14
O alcalde de Ourense, Gonzalo Pérez Jácome, explicou que o Concello "nunca" vai empezar a obra de reforma da Praza de Abastos no caso de que non se cumpran dous requisitos principais. En primeiro lugar, o Ministerio de Fomento deberá "conceder de forma oficial unha prórroga da subvención" e, en segundo termo, "é necesario que os placeiros se avengan a renegociar o contrato actual".
Despois da reunión mantida ese mércores en Madrid co Ministerio de Fomento para coñecer o estado da subvención, o rexedor compareceu este xoves nunha rolda de prensa na que reiterou que "a subvención, a día de hoxe, está perdida". Na mesma liña do que anunciou ao longo dos pasado días, Jácome precisou que "a falta de execución nos prazos marcados de 1,3 millóns de euros" é o que leva á necesidade de solicitar unha nova prórroga.
Para optar á prórroga, desde o Concello deberán facer unha nova previsión de prazos e esperar a que o Ministerio lle conceda o visto bo no mes de outubro. A obra adxudicouse finalmente por 4,5 millóns de euros, dos cales o Estado, coa subvención, faríase cargo dun 65%. O 35% restante correría a cargo da administración local.
"UN DESEMBOLSO MOI GRANDE"
No entanto, xorde "outro problema". Jácome dixo que "desde o Concello consideran un desembolso moi grande a cantidade de 1,7 millóns que deben asumir para a realización das obras" máxime "pola pouca rendibilidade que está a ter a praza de Abastos".
Por este motivo, teñen previsto reunirse este venres cos placeiros para "ver de que forma pódense reenfocar as condicións previas que se tiñan asinadas". E é que para Jácome, as cláusulas son "tremendamente daniñas" para o Concello, xa que "a Praza de Abastos número uno ten un canon de 2.500 euros, sete veces inferior ao que se lle sacou a licitación á Praza de Abastos da Ponche".
REUNIÓN COS PLACEIROS
Así, avanzou que no encontro cos placeiros abordaranse os seguintes aspectos: o canon, o tempo e o espazo que están a ocupar agora mesmo na Alameda. Este último aspecto Jácome considérao "totalmente inadmisible", dado que podería alongarse no tempo ata tres ou catro anos.
Preguntado pola posibilidade dunha nova recolocación, o alcalde afirmou que "a idea é non tolerar a situación actual". Ademais, Jácome criticou que "só por facer o traslado dos placeiros pagáronse 600.000 euros, cando por ese diñeiro podíase alugar un espazo para que estivesen catro anos sen ter que ocupar unha das poucas zonas verdes da cidade".
"Polo feito de pagar ese diñeiro non imos ter que estar nunha zona verde", manifestou, por tanto queda no aire como será a situación dos placeiros. Así mesmo, afirmou que non van pedir ningunha responsabilidade aos seus socios de goberno porque "xa fixeron todas as críticas que tiñan que facer en campaña electoral". "Agora temos que ir para adiante sacando o mellor da cidade", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.