18F.- O premio Nobel Adolfo Pérez Esquivel pide o voto para Pontón e súmase aos apoios de Beiras e Martiño Noriega

"Fálalles Adolfo Pérez Esquivel premio Nobel da Paz. Arxentino de nacemento e galego de orixe. O meu pai foi pescador en Combarro. Hai que apoiar a candidatura de Ana Pontón como candidata a presidenta á Xunta de Galicia polo BNG. Defende os intereses de Galicia", posteou na rede social X o Nobel arxentino, a través de conta do xornalista e catedrático Ignacio Ramonet. Tamén deu o seu apoio á candidatura de Pontón o exalcalde de Cádiz, José María González, 'Kichi'.

Un premio Nobel da Paz súmase á loita para intentar salvar o Centro Galego de Buenos Aires

Adolfo Pérez Esquivel, Nobel da Paz en 1980, apoia a loita dos socios e traballadores do Centro Galego de Buenos Aires para evitar a quebra ou a venta desta institución.