Despois da sublevación militar de xullo de 1936, agosto, o mes máis festeiro do ano, unha orxía de sangue tinguíu a xeografía galega.Un mes que quedou gravado a lume na historia de Galicia. Non quedou concello, grande ou pequeño, vila ou aldea na que a represión fascistas non deixara tirados nas gavias dos camiños centos de cadávares de asasinados. Eran os paseados, as vítimas da Falanxe que sacaba dos cárceres aos detidos para matalos a mantenta nos muros dos cemiterios ou en calquera lugar afastado.
  comenta   0
Os alcumes, alcuños, adeallos ou nomeadas foron a orixe dalgúns apelidos modernos, ademais de formaren parte do patrimonio inmaterial da nosa cultura. Co paso do tempo estas denominacións onomásticas foron evolucionando segundo os ritmos de vida da sociedade. Hoxe en día no ambiente urbano non é doado conservar os sobrenomes debido á mobilidade contextual. Só no medio rural e vilego se sente aínda a presenza do alcume como factor identificativo.
  comenta   0