As peregrinacións en Europa están en mínimos históricos, tamén na Ruta Xacobea, por mor da pandemia. A caída foi especialmente importante entre maiores de 60 anos e estranxeiros. Tras un ano practicamente perdido, espérase recuperar visitantes este verán e coa ampliación do Xacobeo en 2022.
  comenta   0
Expertos galegos e brasileiros poñen en dúbida as conclusións dun estudo realizado polo Servicio Madrileño de Salud. Investigadores de Reino Unido e Estados Unidos tamén cuestionan as conclusións doutra investigación nas iillas británicas e as da española, e piden máis estudos.
  comenta   0
Unha nova investigación acredita as vantaxes da dieta tradicional de Galicia. A comunidade científica alerta do abandono dos bos hábitos alimentarios e do alto consumo de ultraprocesados.
  comenta   0
Un estudo do OGDD conclúe a que a covid dificultará a emancipación das novas xeracións, agravando a baixa natalidade galega.
  comenta   0
Os científicos dan por extinguida a avespa asiática no arquipélago máis de dous anos despois do último rexistro dun exemplar; con todo, mantense activo o plan de alerta. A ciencia cidadá e a actuación temperá foron claves no éxito do modelo balear, moito máis barato que os custos do Plan de loita da Xunta e a Federación Galega de Municipios e Provincias (Fegamp).
  comenta   0
O 35,89 % dos falecementos en España por contacto con himenópteros produciuse en territorio galego, segundo un estudo de Xesús Feás, quen advirte do aumento de casos fatais desde a chegada da vespa asiática.
  comenta   0
Científicos de Galicia, México, República Dominicana, Arxentina, India e Polonia achegan novas evidencias sobre as lesións cutáneas causadas polo coronavirus.
  comenta   2
Economistas cren consolidado o modelo, pero alertan da “baixa profesionalidade” e da “falta de compromiso” dos comuneiros como parte dun conxunto de problemas que “poden limitar o seu potencial como verdadeiro motor de desenvolvemento e cohesión territorial”.
  comenta   0
Unha nova achega científica aporta máis datos que relacionan as "concentracións extremadamente altas” de metais na desembocadura do río Landoi e do porto de Cariño cos lodos da mina de dunita.
  comenta   1
O arqueólogo Marcos García Díez explica nesta entrevista os revolucionarios achados artísticos neste xacemento galego, que amplía nuns 2.500 anos a duración da arte figurativa do Paleolítico Superior e convértese na cova máis occidental con gravados e pinturas deste período prehistórico, rompendo o límite franco-cantábrico fóra do cal se pensaba que non podían existir outros xacementos. O profesor da Universidad Complutense está "convencido" de que ten que haber máis xacementos en Galicia como Cova Eirós.
  comenta   1
O maior pico de consultas en Google produciuse entre o 8 e o 21 de marzo de 2020. Houbo máis frecuencia de buscas nas vilas que nas cidades e maior atención ao que acontecía en Galicia que en España e no mundo. A galega foi a sétima autonomía por frecuencia de procuras.
  comenta   4
Ramón Hermida, investigador principal do Ensaio Hygia realizado en Galicia –o maior estudo no mundo sobre cronoterapia da hipertensión–, responde nesta entrevista as críticas vertidas por algúns directivos da Sociedade Europea de Hipertensión sobre os resultados conseguidos e que suscitaron unha polémica científica internacional.
  comenta   0
O Ensaio de Cronoterapia Hygia, realizado durante once anos en 40 centros de Atención Primaria, foi duramente criticado pola Sociedade Europea de Hipertensión por concluír algo até agora inaudito, que as persoas con presión arterial alta deben tomar os medicamentos antes de durmir, e non pola mañá, para controlar mellor a tensión e reducir riscos de morte ou enfermidade por problemas cardíacos ou vasculares. Os investigadores galegos cuestionan a validez das guías actuais da Sociedade Europea de Hipertensión e a independencia de quen as compón, e consideran que as críticas ao seu traballo son “nesgadas, insostibles e enganosas”, e “revelan intereses espurios”.
  comenta   1
Segunda achega sobre os traballos dos investigadores do proxecto ‘Marmora Galicia’ que veñen traballando desde 2012 na identificación, análise e datación de pezas de mármore en época romana, tardorromana e medieval no territorio galego, onde predominaba o granito. Os achados sorprenderon mesmo aos propios científicos.
  comenta   0
Primeira achega sobre os traballos dos investigadores do proxecto ‘Marmora Galicia’ que veñen traballando desde 2012 na identificación, análise e datación de pezas de mármore en época romana, tardorromana e medieval no territorio galego, onde predominaba o granito. Os achados sorprenderon mesmo aos propios científicos.
  comenta   0
Un estudo da Sociedad Española de Neurología alerta de demoras e cancelacións na asistencia e nos tratamentos dos afectados por mor da derivación de recursos para combater a covid-19 e pola sobrecarga de traballo nos servizos de urxencias. A comunidade científica vén alertando desde hai meses do problema.
  comenta   1
Até agora rexistráronse 27 interaccións destes grandes cetáceos con embarcacións na costa española e portuguesa –17 en Galicia (a última, este martes)–, nuns eventos que os expertos cualifican como “insólitos” pola súa concentración espazo-temporal. O Ministerio anuncia restricións temporais á navegación para veleiros de menos de 15 metros de eslora na "zona máis crítica". Biólogos mariños piden calma aos navegantes e evitar o sensacionalismo mediático. Unha nova achega científica do galego Gonzalo Mucientes documenta por primeira vez no Atlántico Norte o ataque de dúas candorcas a unha quenlla atrapada por un palangreiro, algo tamén inédito.
  comenta   0
Unha investigación internacional analiza como se adaptan os equipos de prevención e extinción de lumes á pandemia. Entre estes hai “grande incerteza sobre o impacto das medidas de Covid-19”. A Consellería do Medio Rural asegura que en Galicia se aplican “os protocolos necesarios para permitir o traballo do persoal en condicións óptimas de seguridade e hixiene”.
  comenta   0
A costa de Portugal lindeira con Galicia tamén está entre as áreas con maior risco por derramamentos contaminantes, segundo un estudo de investigadores da Universidade do País Vasco. As zonas máis sensibles a verteduras atópanse en Reino Unido, país que tamén é o máis exposto no conxunto de indicadores de vulnerabilidade da costa atlántica europea: verteduras mariñas, actividade portuaria, turismo, protección de áreas naturais, e calidade da auga e xestión de residuos.
  comenta   0
Un informe de expertos do Banco Mundial avisa dunha maior debilidade dos empregos nos países do sur da Unión Europea ante a pandemia. A vulnerabilidade de Galicia é similar á da media española e maior que a media do conxunto da UE. Falamos con Daniel Garrote Sánchez, consultor para a Estratexia do Banco Mundial para a Protección Social e o Traballo.
  comenta   0
Unha nova achega de investigadores da Universidade da Coruña propón un sistema para identificar as áreas máis adecuadas para a instalación de muíños nas augas galegas. Trátase da última contribución dunha serie de estudos técnicos, medioambientais e económicos publicados nos últimos tempos por distintos científicos sobre o potencial de Galicia para explotar enerxía eólica mariña e as vantaxes que estes parques ofrecerían.
  comenta   1
Un estudo científico advirte de que Lugo, A Coruña e Ourense sufrirán de aquí ao 2030 “o maior abandono absoluto e relativo de terras agrícolas, sendo as tres únicas provincias en España ameazadas polo abandono de máis do 30% da área agrícola utilizada”. Pontevedra ocupa o quinto posto en termos porcentuais, por detrás de Guipúscoa.
  comenta   6
Científicos portugueses e galegos presentan un novo traballo no que se identifica por primeira vez no mundo a presenza do virus en exemplares desta especie importados do norte de Portugal. Anteriormente, os investigadores xa sinalaron a presenza de hepatite E en mexillóns, ameixas e berberechos das rías galegas. Piden medidas de control sanitario para minimizar os riscos.
  comenta   0
O territorio galego é o que rexistra un maior número medio de incendios por quilómetro cadrado no Estado e as súas taxas sitúanse por enriba dos países europeos, agás Portugal, que é o máis afectado.
  comenta   4
Un estudo científico indica que a finais deste século estes moluscos van estar sometidos a un estrés térmico que se traduce nun crecemento máis lento e nunha menor produtividade. Os investigadores sinalan as áreas externas das rías galegas como a mellor localización no futuro para os polígonos mexilloeiros.
  comenta   0
As tres universidades públicas do norte de Portugal suman máis publicacións e máis autores que as tres galegas, segundo unha análise bibliométrica da base de datos Scopus. A do Porto é a máis produtiva, seguida pola de Santiago. Malia a consolidación da Eurorrexión, son escasas as colaboracións entre as universidades dun lado e outro do Miño. Todas cobren unha ampla gama de campos e temas de estudo, desde medicina e química, ata informática ou enxeñaría.
  comenta   4
Coral Salvador, investigadora do Laboratorio de Física Ambiental EPHYSLAB da Universidade de Vigo, explica a GC os resultados dos estudos que liderou sobre o impacto deste extremo hidrolóxico sobre causas específicas de mortalidade (naturais, circulatorias e respiratorias) na península Ibérica, no contexto do cambio climático.
  comenta   0
Investigadores presentan o “primeiro estudo de sustentabilidade realizado en Galicia a nivel municipio”. Só o 40% serían considerados sustentables. Entre as principais cidades, destacan A Coruña, Santiago, Lugo e Pontevedra, mentres que Ferrol se sitúa entre os concellos con peores resultados. Muxía e Vilariño de Conso acadan as mellores avaliacións dun total de 64 municipios analizados, que conforman unha mostra representativa do país.
  comenta   0
A axencia do Departamento de Agricultura estadounidense toma como modelo o caso galego para medir a efectividade dos arrestos de incendiarios na loita contra os lumes. Os catro investigadores que participaron no estudo explican a GC as claves deste traballo, no que se suxire “a existencia dunha dimensión política na ocorrencia de incendios forestais en Galicia".
  comenta   2
Mapas resultantes dun estudo realizado por investigadores adscritos á Escola Politécnica Federal de Zúric, o Instituto de Tecnoloxía de Massachusetts e o Departamento de Xeografía da Universidade de Santiago mostran desequilibrios que afectan particularmente a áreas interiores da provincia de Lugo, do sueste de Ourense e da costa norte e noroeste da Coruña.
  comenta   0
Asturianos, galegos e castelán-leoneses, por esta orde, son os que máis quilos de CO2 equivalente producen por persoa e ano polos seus hábitos alimentarios. No lado oposto sitúanse os cidadáns das Illas Baleares, cuxo patrón dietético xera menos gases de efecto invernadoiro. A dieta actual dos galegos, cada vez máis afastada da atlántica, non se atopa entre as máis sustentables, pero si é das máis ricas en nutrientes.
  comenta   3
Galicia emite o 8,6 % dos gases de efecto invernadoiro que se producen no Estado, sendo a cuarta autonomía que máis contamina. O 18,8 % desas emisións son froito, segundo un estudo, da “situación periférica que Galicia ocupa no metabolismo socioeconómico español”, exportando arredor do 40 % da electricidade que xenera. Malia ser unha potencia enerxética, os galegos serán os máis prexudicados na refacturación da luz.
  comenta   10
A arqueóloga Irene García Losquiño relata como Galicia puido ser tamén un territorio de asentamento dos pobos nórdicos orixinarios de Escandinavia, e non só obxectivo de asaltos e incursións.
  comenta   6
Membros do Grupo de Investigación Desarrollo y Gestión Ambiental del Territorio da Universidad Complutense de Madrid consideran estas obras un “fracaso da avaliación de impacto ambiental” e alertan dos “danos moi graves” causados nos ecosistemas polas obras nestas infraestruturas.
Trátase, segundo a filóloga e experta ‘rosaliana’ María Xesús Lama, de dous escritos da autora galega na súa faceta de xornalista na capital de España, asinados nesta revista coas iniciais R.C.
  comenta   1
Investigadores avisan de que o futuro do país pasa por atraer máis inmigrantes novos para evitar que comarcas enteiras do interior queden baleiras. De non reverterse a situación, Galicia podería perder máis de 200.000 habitantes na próxima década, quedando a niveis de hai un século.
  comenta   21
GC publica a carta de resposta enviada a este medio por investigadores do Instituto de Ciencias do Patrimonio (Incipit) na que cuestionan as premisas dun traballo académico publicado por científicos adscritos ás universidades de León, Autónoma de Madrid, Leiden e Nova York sobre estudos feitos en Galicia sobre o patrimonio bioarqueolóxico, as desfeitas neste e os retos para a súa conservación.
  comenta   0
O xornal vigués continúa os pasos de La Voz de Galicia que tamén decidiu cobrar por contidos. Galicia Confidencial foi o primeiro medio galego no 2009 en poñer en marcha o GC+, un sistema de pago de noticias en profundidade.
Investigadores denuncian que as desfeitas e o abandono dos xacementos bioarqueolóxicos na costa galega, canda os efectos do cambio climático, poñen en perigo depósitos milenarios claves para entender a relación dos habitantes de Galicia co mar, algúns dos cales xa foron destruídos.
  comenta   0
Alfredo Vigo Trasancos, catedrático de Historia da Arte da Universidade de Santiago de Compostela, desmonta a lenda que identifica a célebre figura como un autorretrato do arquitecto e escultor e propón que representaría o “pobo de España e Galicia, agora convertido ao cristianismo por Santiago". Outra figura no parteluz que identifica como Hércules sería clave para resolver o misterio.
  comenta   1
"Por dereito propio, merece un posto destacado na historia da lingüística galega anterior a 1962", defende Xosé A. Fernández Salgado, profesor do Departamento de Filoloxía Galega e Latina na Universidade de Vigo, que revela oito cartas de Dámaso ao galeguista Ramón Otero Pedrayo.
  comenta   0
Construído en Italia en 1595 e afundido en Ribadeo en 1597, este navío pertenceu á Segunda Armada Invencible que ordenou crear Felipe II. Un estudo científico sobre a orixe das madeiras utilizadas neste buque revelou o uso de carballo do norte da Península na súa construción, como adiantou este xornal. Miguel José San Claudio, coordinador das prospeccións subacuáticas, bota máis luz na súa tese doutoral sobre a historia deste icónico galeón.
  comenta   0
Investigadores publican os resultados das análises químicas dos restos do galeón 'Santiago de Galicia', afundido en 1597 en Ribadeo, e da fragata da Armada española 'Santa María Magdalena', botada en 1773 en Ferrol e que foi a pique en 1810 en Viveiro. Os resultados evidencian que os cascos destes navíos foron construídos con madeira de carballo do noroeste peninsular e que en Europa se teceron rutas comerciais para o subministro de distintos tipos de madeiras destinadas ás frotas española e portuguesa, sendo o "motor da primeira globalización".
  comenta   0
Científicas da Universidade de Vigo publican o primeiro estudo que correlaciona as condicións climáticas e a altitude coa distribución da invasora avespa asiática. As investigadoras presentan ademais os mapas para visualizar a rápida expansión da velutina polo territorio galego. A Galicia costeira e occidental está totalmente colonizada e o depredador avanza cara ao interior de xeito imparable.
  comenta   2
Un estudo describe as fases da liberalización de espazos industriais portuarios na cidade herculina e critica a súa privatización.
  comenta   6