Galicia Confidencial entrevistou aos principais candidatos das eleccións galegas; Ana Pontón (BNG), José Ramón Besteiro (PSdeG), Marta Lois (Sumar Galicia) , Isabel Faraldo (Podemos) , Armando Ojea (Democracia Ourensana) e Pachi Vázquez (Espazo Común Galeguista). Só o PP rexeitou a oferta de entrevista de Galicia Confidencial, o xornal decano dos medios de comunicación en galego.
Manuel 'Pachi' Vázquez (O Carballiño) foi durante anos un referente dentro do PSdeG onde ocupou o cargo de secretario xeral logo das eleccións de 2009 que provocaron a dimisión de Emilio Pérez Touriño. Alcalde do Carballiño, deputado autonómico e conselleiro co PSdeG-PSOE, abandonou a formación en 2013. Non quixo renunciar á política e agora volve con Espazo Común Galeguista para presentarse nas eleccións autonómicas. Non morde a lingua sobre algúns aspectos do seu antigo partido e sobre outras formacións. Cre na posibilidade de entrar no Parlamento e nun partido de centro esquerda para Galicia.
A coalición está formada por Espazo Común, Unidade Local, Compromiso por Galicia, Coalición Galega e Galicia Sempre. Ademais, esta fin de semana darase a coñecer a incorporación dunha sexta formación.
Espazo Común suma ao seu proxecto a Galicia Sempre e a Coalición Galega.
Contan con candidaturas para as provincias da Coruña, Lugo e Ourense e esperan pechar nos próximos días unha lista pola provincia de Pontevedra.
A formación de Pachi Vázquez, que pedía a Alcaldía para un pacto co PP, desvelará a súa postura a última hora deste venres
O seu grupo, Espazo Común, acada cinco edís neste municipio e 13 en toda Galicia.
GC 2025
Séguenos
