Por Europa Press / Redacción | SANTIAGO DE COMPOSTELA | 22/07/2019 | Actualizada ás 18:08
A comarca ourensá do Ribeiro acollerá un proxecto piloto para a recuperación de terras agrarias abandonadas no rural no que terán prioridade os mozos que se queiran especializar na viticultura.
Así o avanzou o portavoz parlamentario do PPdeG, Pedro Puy, quen indicou que o grupo maioritario na Cámara traballa coa Consellería do Medio Rural para a posta en marcha do citado proxecto piloto na comarca do Ribeiro.
Esta iniciativa ten por obxectivo a recuperación de terras abandonadas no rural para a activación de proxectos nos que se dará prioridade a viticultores novos que poderán establecer acordos con produtores de marcas consolidadas da denominación de orixe e así "vender uva a un prezo rendible".
Segundo o portavoz popular, a recuperación de terras será un dos eixos da futura lei na que traballa a Consellería do Medio Rural e que perseguirá que as explotacións "teñan un tamaño suficiente" para producir en sectores "con moito futuro e mercado" como o vitivinícola.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.