Albert Rivera sitúa á galega Beatriz Pino no seu equipo de confianza
A deputada por Pontevedra pasa a formar parte da Executiva de Ciudadanos tras a purga de cargos na dirección.
Por Galicia Confidencial | A Coruña | 29/07/2019 | Actualizada ás 13:57
A deputada que Ciudadanas conseguiu en Galicia para o Congreso, Beatriz Pino, incorpórase ao Comité Executivo Nacional do partido. Esta incorporación é parte das 22 propostas no Consello Xeral extraordinario convocado para ampliar este órgano até os 50 membros con persoas afins ao seu líder, Albert Rivera.
"Desta maneira, o equipo de C's segue crecendo con novas incorporacións á Executiva nacional, composta actualmente por 50 persoas con experiencia e talento, leais ao proxecto de España e que comparten os valores de liberdade e unión", apunta a formación laranxa nun comunicado.
A entrada de Pino na Executiva de C's ten que ver coa crise interna que vive esta formación, logo de que destacados membros deste partido apostaran por un pacto entre C's e o PSOE, en contra da liña imposta polo seu líder, Albert Rivera e a súa voceira, Inés Arrimadas.
Beatriz Pino é Marta Rivera de la Cruz --aínda que esta está radicada en Madrid desde hai tempo-- son as únicas galegas na dirección de Ciudadanos.
