Inician un proxecto para a conservación da píllara nas praias do Barbanza
A iniciativa, impulsada por SEO/BirdLife, pretende contribuír á conservación dos niños e a "sensibilizar e informar" á poboación adulta e infantil sobre a importancia da presenza da píllara das dunas nesta zona.
- Carballo deseña unha píllara como símbolo para reivindicar un turismo sustentable no litoral
- A píllara das dunas, ameazada polo turismo e a construcción, elixida ave do ano 2019 por SEO/BirdLife
Por Europa Press / Redacción | SANTIAGO DE COMPOSTELA | 06/08/2019 | Actualizada ás 18:56
SEO/BirdLife iniciou un proxecto para a conservación da píllara nas praias do Barbanza, a área xeográfica máis importante de Galicia para esta ave. O proxecto prevé accións de conservación e desenvolverase coincidindo co período reprodutor da especie e coa época de maior afluencia de turistas aos areais galegos.
Así, a iniciativa pretende contribuír á conservación dos niños nas praias prioritarias da península do Barbanza e a "sensibilizar e informar" á poboación adulta e infantil sobre a importancia da conservación da píllara das dunas nesta zona.
O territorio no que actuará SEO/BirdLife, con cofinanciamento da Deputación da Coruña, inclúe parte da costa norte da ría de Arousa e a sección occidental que vai desde o parque natural de Corrubedo ata Noia.
