Investigan un mozo por unha suposta agresión sexual a unha menor en Sanxenxo
Os abusos denunciados supostamente sucederon no interior dunha embarcación atracada no porto, ao que accederon o mozo e a moza e cuxo propietario é alleo aos feitos.
Por E.P. | VIGO | 21/08/2019 | Actualizada ás 11:44
A Garda Civil investiga a un mozo de 20 anos de idade, que foi detido como presunto autor dunha agresión sexual a unha menor en Sanxenxo.
Segundo informaron fontes do Instituto Armado, os feitos investigados sucederon en Sanxenxo o pasado fin de semana, e foron denunciados pola rapaza, de 17 anos de idade.
Os abusos denunciados supostamente sucederon no interior dunha embarcación atracada no porto, ao que accederon o mozo e a moza e cuxo propietario é alleo aos feitos (non autorizou aos mozos a meterse no barco).
A menor denunciou que fora vítima dunha agresión sexual e, tras tomarlle declaración, a Garda Civil detivo ao suposto autor dos feitos, un mozo de Pontevedra, de 20 anos de idade.
O mozo foi posto a disposición do xulgado de Cambados, que decretou a súa posta en liberdade en calidade de investigado, como presunto autor dun delito contra a liberdade sexual da menor, segundo fontes do Tribunal Superior de Xustiza de Galicia.
Así mesmo, estableceu a medida de comparecencias quincenais nos xulgados, así como a prohibición de achegarse ou comunicarse coa moza.
