O PP nega división interna tras o rexeitamento dos populares galegos a 'España Suma'
A viceportavoz do grupo parlamentario 'popular' no Parlamento galego, Paula Prado, tamén rexeitou 'Galicia Suma' para os comicios autonómicos ao considerar que o "PPdeG é o único representante do centro dereita en Galicia".
Por E.P. | MADRID | 21/08/2019 | Actualizada ás 12:26
O vicesecretario de Comunicación e portavoz do PP, Pablo Montesinos, negou este mércores que exista división interna no partido despois de que distintos membros do PP galego rexeitasen a idea da coalición con Ciudadanos e outros partidos baixo a marca 'España Suma'. "División no PP, ningunha", resolveu.
O vicepresidente da Xunta de Galicia, Alfonso Rueda, descartou este venres o proxecto 'Galicia Suma' --a marca autonómica da coalición-- ao defender que o PP galego "leva dez anos dando estabilidade a Galicia" e que o tentará "outra vez" nas próximas eleccións autonómicas, que terán lugar en 2020.
Tamén a viceportavoz do grupo parlamentario 'popular' no Parlamento galego, Paula Prado, rexeitou 'Galicia Suma' para os comicios autonómicos ao considerar que "PPdeG é o único representante do centro dereita en Galicia". Sobre 'España Suma', Prado subliñou que "os votantes do PP a opción que buscan é o PP".
En declaracións a Telecinco, recollidas por Europa Press, Montesinos reiterou que a súa formación política estará "sempre disposta a dialogar" cos partidos que defendan a Constitución, a liberdade individual e a unidade de España. "Esa porta, nós non a imos a pechar", apostilou.
