Soben os prezos industriais
No ámbito estatal, os prezos industriais subiron un 0,5% en xullo en relación ao mes anterior.
Por E.P. | A CORUÑA | 26/08/2019 | Actualizada ás 10:53
Os prezos industriais subiron un 0,2% en xullo en Galicia respecto de xuño, aínda que en taxa interanual --en relación ao mesmo mes do ano anterior-- rexistraron un descenso do 1,41%, segundo os datos publicados este luns polo Instituto Nacional de Estatística (INE).
Por destino económico, a taxa mensual dos bens de consumo descendeu un 0,1%; en taxa interanual, a variación foi de -0,7%. Mentres, a taxa mensual dos bens de consumo duradeiro mantívose igual aínda que en taxa interanual a variación foi dun 0,2%. No caso dos bens non duradeiros, rexistrou un descenso do 0,1% e do 0,8% en taxa mensual e interanual, respectivamente.
A taxa mensual dos bens de equipo incrementouse un 0,1%; mentres que en taxa interanual foi de 0,9%. En relación a xuño, os bens intermedios descenderon un 0,4%, aínda que en taxa interanual a variación foi de 1,1%. A taxa mensual do prezo da enerxía experimentou un aumento do 1,1%, aínda que en relación a xullo do ano pasado supuxo un descenso do 5,1%.
TAXAS NEGATIVAS NO ÁMNITO ESTATAL
No ámbito estatal, os prezos industriais subiron un 0,5% en xullo en relación ao mes anterior, pero caeron un 0,8% interanual, o mesmo que baixaron en xuño. Co recorte interanual de xullo, os prezos industriais encadean dous meses consecutivos en taxas negativas despois de estar 32 meses en positivo.
