Por E.P. | A CORUÑA | 29/08/2019 | Actualizada ás 13:52
O presidente da Deputación da Coruña, Valentín González Formoso, e a nova alcaldesa de Cee, Margarita Lamela, abordaron, nun encontro celebrado no organismo provincial, vías de financiamento para a Fundación Fernando Blanco, ademais doutras actuacións.
Segundo informa o organismo provincial, na reunión abordaron as posibilidades de colaboración entre ambas as institucións para a mellora de diversas infraestruturas e servizos do municipio como o campo de fútbol ou a piscina.
Ademais, a alcaldesa expuxo a "delicada situación económica" da Fundación Fernando Blanco tras a retirada, o ano pasado, da subvención de 18.000 euros anuais coa que Ferroatlántica colabora ao sostemento da mesma, a mesma achega que destina o consistorio.
Trátase, segundo o concello, dunha entidade con "importancia histórica" para Cee pola fundación e o museo e os fondos que nel se custodian, desde obras de arte ou gravados de calcografía nacional.
No encontro, Formoso trasladou a disposición da Deputación colaborar cunha achega extraordinaria este ano e a posibilidade de que a Fundación concorra a liñas de subvención da institución provincial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.