O PAC da Laracha ten previsto que comece a súa actividade en setembro

A Consellería de Sanidade prevé que en setembro comece a funcionar o Punto de Atención Continuada da Laracha, segundo informa tras a visita que o seu titular, Jesús Vázquez Almuiña, fixo á instalación.

O conselleiro visitou este venres os traballos de ampliación do centro de saúde para a construción do PAC. Sobre a obra, Sanidade explica que está a piques de terminarse "co obxectivo de que esta instalación comece a funcionar no mes de setembro".

Cun investimento dun millón de euros, a actuación beneficiará a case 16.000 habitantes da Laracha e Cerceda, aos que dará cobertura o PAC. Ademais, contará con equipamento novo, xa licitado.

Jesús Vázquez Almuíña | Fonte: Wikimedia