Por Europa Press / Redacción | SANTIAGO DE COMPOSTELA | 15/09/2019 | Actualizada ás 16:53
O grupo provincial do Partido Popular de Pontevedra (PP) criticou que o novo consello asesor do Museo de Pontevedra é "pobre" e está "aberto a unha total inXerencia política".
Desta maneira, lamentou que o bipartito do PSOE e o BNG aprobe un regulamento "que non está á altura do seu prestixio".
O grupo explicou que hai sete persoas no consello asesor, pero que no regulamento "se recolle a posibilidade" de que esas persoas teñan "á súa vez asesores".
A secretaria local do PP, Pepa Pardo, asegurou que non existe en tal documento "ningunha mención aos criterios de selección" para garantir a "meritocracia" e evitar "a dedocracia do bipartito".
Ademais sinalou "a falta de transparencia" con respecto ás retribucións que vai recibir o consello asesor. Pardo explicou que o bipartito "falou de dietas" que logo foron substituidas por "comisións formativas", polo que reclama "máis claridade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.