Por Europa Press / Redacción | SANTIAGO DE COMPOSTELA | 02/10/2019 | Actualizada ás 18:58
A Xunta, da man do director xeral de Orientación e Promoción Laboral, Pablo Casal; defendeu "os perfís" dos directores de oficinas de emprego das sete principais oficinas de emprego da comunidade, que tiña pensado nomear a través do procedemento de libre desginación foi anulada polo TSXG.
En resposta a unha pregunta formulada pola deputada de Común da Esquerda, Carmen Santos, durante a Comisión 1ª do Parlamento de Galicia, o Goberno galego argumentou que as persoas designadas para dirixir as principais oficinas de emprego de Galicia foron seleccionadas para atender as "responsabilidades" de carácter "excepcional" que requiría o cargo.
Con todo, Casal admitiu que a Administración autonómica executará a sentenza do TSXG que deu a razón ao recurso presentado polo sindicato Comisións Obreiras á relación de postos de traballo da Consellería de Economía, Emprego e Industria que establecía a previsión de cubrir 16 postos pola vía de libre designación.
Deste xeito, o tribunal galego anulou o posible nomeamento dos sete directores das oficinas de emprego e formación situadas nas sete grandes cidades de Galicia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.