O exdeputado David Bruzos substituirá a Ledicia Piñeiro como número un de En Común por Ourense

Bruzos retorna á política activa nove meses despois das polémicas primarias á dirección de En Marea nas que encabezou a lista do sector crítico con Luís Villares.

Por Europa Press / Redacción | SANTIAGO DE COMPOSTELA | 04/10/2019 | Actualizada ás 21:20

Comparte esta noticia

David Bruzos, deputado por En Marea durante a breve lexislatura de comezos de 2016, substituirá a Ledicia Piñeiro como número un da coalición En Común (integrada por Podemos Galicia e Esquerda Unida) pola provincia de Ourense nas eleccións ao Congreso dos Deputados.

David Bruzos
David Bruzos | Fonte: Europa Press

Segundo confirmaron fontes da coalición, trátase do principal cambio nas listas electorais de En Común de cara ás xerais do próximo 10 de novembro, nas que Yolanda Díaz e Antón Gómez-Reino repetirán como cabezas de lista por Pontevedra e A Coruña, respectivamente.

Deste xeito, Bruzos retorna á política activa nove meses despois das polémicas primarias á dirección de En Marea nas que encabezou a lista do sector crítico con Luís Villares, finalmente derrotada.

Así, este profesor de secundaria ocupa a cota atribuída a Podemos na repartición establecida no acordo de coalición.

Mentres que a formación morada terá os números un da Coruña (Gómez-Reino) e Ourense (David Bruzos), ao outro socio da coalición, Esquerda Unida, correspóndenlle o primeiro posto por Pontevedra (Yolanda Díaz) e Lugo, no que, previsiblemete, repetirá Vanesa Somoza.

Ademais, fontes consultadas apuntan que as listas poderían sufrir outras variacións en postos máis baixos debido, entre outras cuestións, á saída dos representantes de Equo, que apostaron por romper a súa alianza en Galicia con Podemos e EU e decantarse polo proxecto de Íñigo Errejón, Más País.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Tone nunca mais

Outra vez nos vamos dar de "Bruzos" contra o chan? Non parece que aprendamos nunca de que poñer a amigotes nas listas non é a solución. Pero é o que pasa cando pensas que ó teu redor todo o mundo é enemigo e tes tan poucos alíados que hasta equo se che vai co primeiro que pasa. Eu desta volta voto a Errejón, non porque crea que é mellor, pero votar a Toné por carta vez. Paso

1 Gamela

A ver se alguén lle birla o escano a Yolanda Diaz por Pontevedra... sería un verdadeiro pracer vela desaparecer do mapa estatal e ver como acorda con Eva Solla a súa reentré galega nas autonómicas de 2020 ! Motivos, hainos: https://i.gal/gamela05 // https://i.gal/gamela15