Un policía local de Vilagarcía resulta ferido leve ao ser atropelado mentres regulaba o tráfico
O atropelo produciuse cando o axente deu o alto a un vehículo conducido por un home de 72 anos que se viu cegado pola luz do sol e acabou atropelando ao axente.
Por E.P. | SANTIAGO DE COMPOSTELA | 09/10/2019 | Actualizada ás 15:33
Un policía local de Vilagarcía de Arousa resultou ferido de carácter leve ao ser atropelado na mañá deste mércores cando regulaba o tráfico nun paso de peóns polo que cruzaban nenos para coller un autobús escolar.
Segundo informa o concello arousán, o suceso tivo lugar ás 09,20 horas na avenida das Carolinas, na saída de Vilagarcía dirección Pontevedra. O atropelo produciuse cando o axente deu o alto a un vehículo conducido por un home de 72 anos que se viu cegado pola luz do sol e acabou atropelando ao policía.
O axente, que sufriu un golpe contra o parabrisas e saíu despedido a consecuencia do impacto, foi trasladado a un hospital para ser atendido. Con todo, segundo apunta o goberno local, non sofre ningunha rotura de ósos nin lesións internas.
