Ciudadanos reclama medidas para reducir o número de atropelos na Coruña

Ciudadanos reclamou ao goberno local coruñés a adopción de medidas para reducir o número de atropelos na cidade, despois de que no que vai de ano "tres mulleres morresen atropeladas nesta cidade"

"Unha cifra demasiado alta para unha zona urbana como a da Coruña", denuncia a concelleira da formación laranxa, Mónica Martínez.

Nun comunicado, sinala que "os case 30 peóns atropelados este ano, a maioría deles en pasos de peóns", son "unha cifra para tomar medidas urxentes".

Para a concelleira de Ciudadanos, é "evidente que o código de circulación actual quedou obsoleto e é obrigación inescusable do goberno municipal adoptar as medidas que leven a unha actualización en busca da máxima seguridade dos viandantes".

Unha persoa cruza un paso de peóns, punto de numerosos atropelos