Rescatan dous gatos e un can que estaban abandonados nun piso de Ferrol

Axentes da Policía Local de Ferrol rescataron a dous gatos e un can que se atopaban en situación de abandono, sen auga nin alimentos, nun piso da rúa Manuel Belando, no barrio do Inferniño.

Segundo informou este sábado o Concello de Ferrol, o pasado xoves os efectivos policiais acudiron ao inmoble acompañados do propietario, ante un posible caso de malos tratos animais.

Precisamente, fora o dono da vivenda quen denunciara que a súa inquilina deixara de pagar as facturas do aluguer, polo que formulara contra ela unha demanda de desafiuzamento.

Segundo o Consistorio, a muller supostamente deixou a vivenda a pasada semana pero ao propietario constáballe que deixara no interior un gato, polo que solicitou ao xulgado entrar de forma urxente, cousa que lle foi autorizada unicamente para recoller o animal e pechar as xanelas.

Foi así como sobre as 17,00 horas do xoves dous axentes polciales acudiron ao piso, e tras entrar no seu interior descubriron que non era un gato, senón dous, ambos os siameses, os que se atopaban no interior. Ademais, tamén un can de raza chihuahua que presentaba lesións por picaduras de pulgas. Os animais carecían de alimento e auga e tiñan un aspecto moi deteriorado.

LIXO E EXCREMENTOS ACUMULADOS

A vivenda estaba chea de excrementos dos animais e nela había un forte cheiro, que se estendía ás zonas comúns do edificio. Ademais, había acumulada gran cantidade de roupa tirada polo chan, bolsas de lixo e unha caixa de area para gatos coa aparencia de non cambiarse en meses, conforme apuntou o Concello.

De inmediato deuse aviso ao servizo de lacería, que se fixo cargo do tres animais e trasladounos ao refuxio de Mougá, que xestiona a Mancomunidade de Concello da Comarca de Ferrol.

Can salvado en Vigo e que estivo a piques de morrer abafado | Fonte: Policía local Vigo