A alcaldesa da Coruña pide "maior implicación" da Xunta para o proxecto da Cidade do TIC

A alcaldesa da Coruña, Inés Rey, reclamou ao presidente da Xunta, Alberto Núñez Feijóo, "unha maior implicación e concreción" nas partidas orzamentarias para sacar adiante o proxecto da Cidade do TIC.

Fíxoo tras unha reunión co director xeral do Instituto Tecnolóxico de Galicia e presidente da Federación Española de Centros Tecnolóxicos (Fedit), Carlos Calvo, na que acordaron sumar esforzos para converter a cidade nun "polo de innovación tecnolóxica".

No encontro, segundo informa o Consistorio, perfiláronse tamén "as bases de futuras vías de colaboración entre a entidade e o concello".

A alcaldesa, Inés Rei, reúnese co director xeral do Instituto Tecnolóxico de Galicia e presidente da Federación Española de Centros Tecnolóxicos (Fedit), Carlos Calvo. CONCELLO DA CORUÑA | Fonte: Europa Press